漁品酸菜魚火鍋放題 (已結業)

工作辛苦OT到七八點，老公提議去大圍食餐好的，點都要待自己好一點。住大圍的朋友之前已經強烈推介要試，今日終於有機會。店員會按次序送上各款食物：1.肥仔四小吃~麻香雞腳(小辣)、話梅鴛鴦苦瓜、避風塘魚柳及黑松露蝦多士，各有特色，最啱肚餓可先吃。2. 航空六刺身~ 海膽、帶子、赤蝦、生蠔、北寄貝、油甘魚，刺身好新鮮，海膽甘口，帶子清甜，總有一款啱你。3. 招牌酸菜魚~二人份量都好大盤，魚肉啖啖肥美可口，魚湯酸咪咪，感覺好醒胃。4. 菌香牛骨湯~湯底材料包括姬茸菇、龍眼肉、杞子、紅棗、蟲草花、干瑤妊、花膠、雞腳......5. 深海郵輪(火鍋海鮮拼盤)~鮑魚、大蝦、帶子、青口、大蜆、墨魚仔，火鍋海鮮都是值得一讚，樣樣新鮮，鮑魚爽口彈牙，帶子鮮甜美味。6. 靚牛靚豬任食~肥牛一淥就食得，夠肥美。7. 其他食物都是任點任叫，包括炸物拼(炸魚皮響鈴炸芋頭)、丸餃拼(魚皮餃、韭菜餃、墨丸、蝦丸)、主食拼盤、蔬之藝術「菜拼盆」(旺菜、生菜、皇帝菜、金菇)、雪糕、汽水、飲品......，試咗荔枝烏龍，不錯呢，荔枝味唔算好濃，不會完全蓋過烏龍茶味。朋友果然冇介紹錯，食物質素及性價比都高，店員友善招待，收吉