榮耀餐廳 (已易手) 新餐廳

落雨濕濕，唔想周圍去，近近地去到大圍田心村揾食，榮耀出名薄pizza同靑口意粉，我當然唔會錯過，再追加 fish & chips 同咖哩牛肋飯。薄pizza 夠香口，意粉煮法亦不俗。咖哩椰汁好香，Fish & chips 做得不錯，薯條尤其出色。因就街坊價錢，食材用次一級，暗暗替廚師不值，以此手勢，如配上靚材料，一定好食百倍。但現實歸現實，每碟只是五、六十元的價錢，有此水準已超值呢。