Dear Coffee & Bakery (已搬遷) 新店位置

推薦指數: 🤩🤩🤩近年大圍慢慢都愈黎愈多特色小店餐廳開設，多左好多朋友都開始入黎大圍沙田呢邊搵食啦！😊今次呢間CAFE小店位置近大圍火車站，過天橋去海福花園，未熟大圍的朋友可能難搵少少，但記住係新強記酒家後面就係嫁啦！😃今次忙裡偷閒黎到Dear Coffee & Bakery, 就比門口手寫的手工貝果牌吸引住。入到去CAFE的地方唔大，大約只有5至6張木台，但好鐘意成間Cafe的感覺 有個大玻璃面向街，自然光好充足，都幾寫意嫁💕 嗌左一個綠茶麻糬貝果＋Flat White ☕️個手工貝果好好食，淡淡綠茶味再配上麵包貝果的香氣，切開中間仲有麻糬，食落去有煙煙韌韌的口感！😋再飲啖Flat white! 正呀！聽住音樂，咁就唔經唔覺過左個半鐘啦！🌸想試手工貝果的朋友，記得早Ｄ黎！因為每日貝果數量限定，賣哂就無啦😎😀