殿糖級 (已結業)

今晚早食飯，食完後七點多去食甜品，叫左三個心太軟，等左十數分鐘第一個來睇落唔錯，啲朱古力漿係咁流出黎，但再等多兩分鐘出果第二三個簡直唔可以叫心太軟，切落去無漿之餘差唔多變蛋糕咁，有無搞錯，推介係心太軟但做得咁差，只有三分之一成功率？！向職員投訴後雖然話整過一個俾我地，但整三個得一個得的情況下，我地仲邊有信心俾你浪費多十幾分鐘。仲點可以再食！雖然殿糖級係連鎖店，但今晚的職員似家庭式經營咁，完全唔覺識整甜品。除了心太軟唔得外，餐牌中有啲野無再提供又唔改或遮住佢，個榴連班㦸味道雖可以，但榴連個色成個芋頭咁既色，食左都唔安心。