影片
更多
2017-08-20
1012 瀏覽
朋友係大圍地頭蟲，基本上食勻晒所有大小店，近排佢力推我呢個從來唔踏足呢區既人去試呢間新開既居酒屋，仲話試左一定返唔到轉頭無介紹錯，上星期食完後，今個星期已經心掛掛帶埋屋企人黎食多次，好食得黎又唔貴，性價比非常高係地鐵站行5分鐘就到，都算易搵，但位於小巷內，如果唔係朋友帶路，會好易skip左呢間隱世居酒屋。居酒屋有三層，第一次同朋友去係坐底層既吧枱，同師傅會有較多互動。第二次，因為較多人，我地被安排坐上樓上既房，同包場無分別，私人空間較大。特上刺身盛合刺身盤有劍魚腩、三文魚腩同牡丹蝦同活赤貝。厚切劍魚腩，入口軟綿肥美。三文魚腩油花分佈均勻，入口甘香。牡丹蝦鮮甜彈牙，活赤貝口感則爽口不失海水味。有頭甜蝦甜蝦好有驚喜，價錢合理之餘，仲要有手掌咁長，啖啖肉之餘，肉質爽身又鮮甜，忍唔住啜埋蝦頭，蝦膏濃郁帶回甘，好正馬糞海膽相比起加拿大海膽，馬糞海膽較細少，但口感較滑而且味道亦較甘甜。用最傳統食法，以紫菜包住海膽同飯，再加少少青瓜絲同wasabi同食雜錦刺身沙律完全無諗過呢盤沙律有咁多刺身，仲要唔係求其用啲平刺身去hea你，有三文魚、甜蝦、赤貝、劍魚、八爪魚等等，而且夠凍同用麻醬撈，只係賣一百蚊鬆
係地鐵站行5分鐘就到，都算易搵，但位於小巷內，如果唔係朋友帶路，會好易skip左呢間隱世居酒屋。
居酒屋有三層，第一次同朋友去係坐底層既吧枱，同師傅會有較多互動。第二次，因為較多人，我地被安排坐上樓上既房，同包場無分別，私人空間較大。
特上刺身盛合刺身盤有劍魚腩、三文魚腩同牡丹蝦同活赤貝。厚切劍魚腩，入口軟綿肥美。三文魚腩油花分佈均勻，入口甘香。牡丹蝦鮮甜彈牙，活赤貝口感則爽口不失海水味。
有頭甜蝦甜蝦好有驚喜，價錢合理之餘，仲要有手掌咁長，啖啖肉之餘，肉質爽身又鮮甜，忍唔住啜埋蝦頭，蝦膏濃郁帶回甘，好正
馬糞海膽相比起加拿大海膽，馬糞海膽較細少，但口感較滑而且味道亦較甘甜。用最傳統食法，以紫菜包住海膽同飯，再加少少青瓜絲同wasabi同食
雜錦刺身沙律
完全無諗過呢盤沙律有咁多刺身，仲要唔係求其用啲平刺身去hea你，有三文魚、甜蝦、赤貝、劍魚、八爪魚等等，而且夠凍同用麻醬撈，只係賣一百蚊鬆啲，好抵食。
燒特大扇貝
呢個手掌咁大既扇貝係必食，肉厚但燒得勁嫩滑，散出淡淡既牛油同黑松露香。雖然sided with 七味粉、五香粉同檸檬，但我唔建議大家再調味去掩蓋帶子既鮮味。淨食已經好食到不得了！
醬燒大連鮑魚
爽脆鮑魚，除左食到原汁原味外，加埋黑松露同食，令鮮味更突出。
厚燒牛舌心
平時食開既牛舌都係薄切。師傳話牛舌心係牛舌最中心部位，所以入口特別嫩滑，加上厚切，外邊燒得有少少脆邊，內裏嫩滑得黎又juicy，以簡單既調味去突出牛味，必食
海膽醬燒虎蝦
虎蝦開邊燒，塗上沙律醬，然後再放大大片海膽上去燒至半溶。用叉一拉成條蝦肉出晒黎，啖啖肉得黎又惹味😍
西京銀鱈魚
有整過西京銀鱈魚既朋友都知，呢道菜有幾費時，唔係話你想食就即刻有得食，因為醃魚都最少要醃兩日先夠入味，何況呢舊鱈魚咁厚，魚肉醃得入味，而且超級彈牙，加上油脂分佈平均，好肥美，配埋沙律醬同木魚絲，令口感更豐富，又一必食😋
燒鵝肝
厚燒鵝肝外脆內軟，仲帶點炭燒味。
卷卷豚片
被個名吸引，原本係豚肉紫蘇卷，豚肉散出淡淡紫蘇葉味，好清香呢，豚肉亦唔會燒得太乾。
雞皮卷卷
十個去居酒屋，九個必嗌雞皮，但而家愈黎愈少店會新鮮製，其實係咪新鮮製一食就知。呢間小店堅持每日即製既燒，所以雞皮夠鬆脆之餘，仲唔覺油膩，完美既下酒小食。
燒活白鱔
白鱔厚肉彈牙，外層既醬汁亦好惹味。
燒雞軟骨
雞軟骨係控制火候上要特別小心，好易燒過頭，變得乾柴，但呢到燒得剛好，有嚼勁 香脆卻不乾口。
金菇牛肉卷
燒得剛好，牛肉表面略脆，金菇爽口帶牛油香。
焦糖菠蘿
必點飯後甜品，相比起出邊食開既燒菠蘿，呢個 焦糖菠蘿盡顯心思，燒過既糖心菠蘿帶焦香，加埋面頭又硬又脆既焦糖，估唔到咁夾咁好食😍
整體而言，呢個價錢可以食到咁高質素既燒物，絕對係物有所值，同樣既燒物，係九龍港島區既居酒居都比呢到貴四成，仲要好多時有時間限制。呢到無限時之外仲座得好舒服，枱與枱之間尚算寬裕。最重要係呢到既食材好新鮮，而且職員亦會好細心介紹每一道燒物。真心推介呢間隱世居酒屋
張貼
