正宗印度餐廳及酒吧 (銅鑼灣道)

營業中

休息中

喺大坑有好多嘅食肆，呢次就試咗呢間正宗印度餐廳及酒吧，佢哋用左藍色同黃色作主調，乾淨又光猛，坐得都幾舒服。餐前小食：胡椒薄脆，佢仲提供左4款不同口味嘅醬汁。咖喱角：印度嘅咖喱角同香港嘅好唔同，佢哋係無咖喱味，同埋大隻好多。佢哋呢度係即點即炸，所以每隻都新鮮熱辣，佢哋有兩款分別係羊肉或者雜菜。外皮酥脆，入面包住滿滿肉汁嘅羊肉碎，可以加佢哋提供嘅印度特色嘅醬汁。瑪沙拉咖喱雞：嚟到印度餐廳就當然要食咖喱啦！佢有好多款不同口味嘅咖喱，亦可以配不同嘅肉類或者雜菜，我哋呢次就叫左客瑪沙拉咖喱雞，講起瑪沙拉其實係一種混合嘅香料，各家各戶嘅配方都會有所不同，而用瑪沙拉整嘅咖喱更為一絕，只要用薑黃、椰奶同埋瑪沙拉同埋雞就能結合出濃醇辛香的咖哩雞。蒜蓉薄餅：即點即烤，喺薄餅入面有陣陣蒜味，用嚟蘸咖喱就最啱。