影片
更多
2023-01-27
655 瀏覽
Cookie Vission📍大坑浣紗街6號全興樓地舖呢日同朋友去到天后搵食，佢一直好想同我一齊試下一間佢bookmark咗好耐嘅cookie店，所以當我哋幾經辛苦搵到間鋪，佢就揀揀揀，揀咗好多個冬甩同曲奇！見到佢揀得咁開心，我都好開心，好多謝佢成日山長水遠都帶我去食好嘢，氹我開心！ 💰$50Matcha Macadamia Cookie 🍪 呢度嘅曲奇其實一啲都唔平，挽起手都要幾十蚊一塊，但就好似呢款抹茶夏威夷果仁曲奇咁，用料非常足，除咗每一啖都食到大大粒嘅夏威夷果仁之外，抹茶味亦非常濃，食到中間仲發現佢勁moist，係流心嘅，有別於一般嘅軟曲奇，好特別，好好味！ 💰$40Peanut Butter Jelly Cookie 🍪 同樣係軟曲奇，呢款classic嘅花生醬果醬口味比較適合外國人，因為就算我咁重口味都覺得有啲過甜過份油膩，食一角仔都已經好濟，但味道嚟講真係算唔錯，好食嘅！ 💰$65Pistachio Donut 🍩 全場最好食嘅一定係呢個開心果冬甩！真係值得五粒星，難怪佢係全場最貴啦！我未食過有咁多餡嘅冬甩，感覺就好似食緊一個爆晒餡嘅軟身麵包咁，而且冬甩面嘅開心果都好正，
📍大坑浣紗街6號全興樓地舖
呢日同朋友去到天后搵食，佢一直好想同我一齊試下一間佢bookmark咗好耐嘅cookie店，所以當我哋幾經辛苦搵到間鋪，佢就揀揀揀，揀咗好多個冬甩同曲奇！見到佢揀得咁開心，我都好開心，好多謝佢成日山長水遠都帶我去食好嘢，氹我開心！
[價錢 Price]
💰$50
Matcha Macadamia Cookie 🍪
呢度嘅曲奇其實一啲都唔平，挽起手都要幾十蚊一塊，但就好似呢款抹茶夏威夷果仁曲奇咁，用料非常足，除咗每一啖都食到大大粒嘅夏威夷果仁之外，抹茶味亦非常濃，食到中間仲發現佢勁moist，係流心嘅，有別於一般嘅軟曲奇，好特別，好好味！
[價錢 Price]
💰$40
Peanut Butter Jelly Cookie 🍪
同樣係軟曲奇，呢款classic嘅花生醬果醬口味比較適合外國人，因為就算我咁重口味都覺得有啲過甜過份油膩，食一角仔都已經好濟，但味道嚟講真係算唔錯，好食嘅！
[價錢 Price]
💰$65
Pistachio Donut 🍩
全場最好食嘅一定係呢個開心果冬甩！真係值得五粒星，難怪佢係全場最貴啦！我未食過有咁多餡嘅冬甩，感覺就好似食緊一個爆晒餡嘅軟身麵包咁，而且冬甩面嘅開心果都好正，真係超級無敵好食！雖然開心果味未去到香噴噴滿瀉，但個內餡食落勁creamy，真係一人一個都嫌少，非常推介！
[價錢 Price]
💰$35
Chocolate Mint Donut (Old Fashioned) 🍩
講完好嘅，就要介紹吓呢款無咁好食嘅冬甩啦。我同朋友都諗住揀一款festive少少嘅冬甩應節，但估唔到上面嘅frosting真係好甜，甜到甩牙，而且呢隻冬甩比較易散，相比之下就覺得好普通，但考慮到價錢，都算係不過不失嘅！
[價錢 Price]
💰$45
Chocolate Orange Donut 🍩
最後一款就係朱古力橙味冬甩啦，佢同開心果冬甩一樣，都係有勁多餡嘅，但佢嘅朱古力餡唔係我鍾意、偏苦嗰種，有少少甜得濟。橙味唔算突出，但都算幾好食，唔同開心果嗰款比較，應該都俾到四粒星嘅！
張貼
