睿和牛燒肉 (已結業)

同閨密都好想去旅行 好掛住日本既和牛既燒肉 就搵到大坑呢間日本和牛燒肉 格局設計到好似日本既居酒屋咁🏮😍🌟前菜 $20🌟前菜係鏗魚汁煮既枝豆 同一般乾身既枝豆不同 汁煮係另一番風味 味道比較濃烈香甜😌🌟凍日本高糖蕃茄配柚子汁 $68🌟好開胃既日本高糖蕃茄 非常酸甜 上面仲配了啫喱同食得既桂花 好清新既口感🤩🌟柑橘醋配海蜇 $88🌟呢道又係好開胃既前菜 好爽口彈牙既海蜇 配柑橘醋汁 令到口感更開胃 會令人食到停不了口既感覺🤤🌟味淋河豚魚干 $78🌟加咗味淋既河豚魚干 口感唔會太乾易咬開 如果有杯啤酒就更佳😂🌟伊佐木薄切 $188🌟完全零魚腥味 旁邊配有芥辣味汁醬同上面鋪滿了既蔥花同桂花 一齊食 味道非常夾！🌟吞拿魚三貫 $228🌟油脂分布剛好 食完諗起去日本食既吞拿魚 係日本既味道呀🥺好想去旅行！🌟特上和牛盛合 2人前 $998🌟✨特選和牛厚切西冷✨特選和牛厚切肉眼✨和牛三角嫩肉✨和牛嫩肋眼上蓋✨和牛牛排肉✨厚切牛舌今日既重點嚟了！首先要讚既係擺設係比人嘩嘩聲既感覺😂觀感已經好加分💯口感各有千秋🤤最鐘意既係三角嫩肉同肉眼 入口即溶 同一般既牛肉真係兩碼子既事 食完係油膩感十足而又不過膩