影片
更多
2022-04-19
2827 瀏覽
話Pheromone係《予約困難店》一啲都唔誇張，不過今次朋友好有心咁捕住佢出post 放quota，所以一擊即中！🤩疫情期間一路run住呢個Steak Tasting Set~ Salad, appetiser, bread, soup, main, sides 同dessert 全部配對好，除咗bread同main之外，其餘都可以無限refill ♾ ，仲有free corkage —> BYOB🍷🥂🍷! 唔使睇menu，啱哂有選揀困難症嘅朋友🙌🏻職員首先捧住呢餐steak omakase 嘅3位主角逐一介紹～ 🇺🇸美國 穀飼 嘅Flat Iron，係三塊之中肉質最tender嘅🇦🇺 澳洲和牛 Chuck Tender ，咀嚼感較強🇳🇿 紐西蘭 草飼 嘅 Rump Cap (picanha)，脂肪感三者之最介紹完就拎去煎喇，可自選doneness，亦可等chef 為你安排適合每個主角嘅doneness，就好似呢一餐咁，塊picanha 需要比其他兩塊煮耐少少先可以逼出油香，將塊扒嘅特色呈現出嚟～🔸Salad 🥗～櫻花蝦沙律～新鮮沙律菜同蕃茄仔配上香脆嘅櫻花蝦、炸蒜同芝麻再配
疫情期間一路run住呢個Steak Tasting Set~
Salad, appetiser, bread, soup, main, sides 同dessert 全部配對好，除咗bread同main之外，其餘都可以無限refill ♾ ，仲有free corkage —> BYOB🍷🥂🍷!
唔使睇menu，啱哂有選揀困難症嘅朋友🙌🏻
職員首先捧住呢餐steak omakase 嘅3位主角逐一介紹～
🇺🇸美國 穀飼 嘅Flat Iron，係三塊之中肉質最tender嘅
🇦🇺 澳洲和牛 Chuck Tender ，咀嚼感較強
🇳🇿 紐西蘭 草飼 嘅 Rump Cap (picanha)，脂肪感三者之最
介紹完就拎去煎喇，可自選doneness，亦可等chef 為你安排適合每個主角嘅doneness，就好似呢一餐咁，塊picanha 需要比其他兩塊煮耐少少先可以逼出油香，將塊扒嘅特色呈現出嚟～
🔸Salad 🥗
～櫻花蝦沙律～
新鮮沙律菜同蕃茄仔
配上香脆嘅櫻花蝦、炸蒜同芝麻
再配芝麻醬、柚子醋、紫蘇汁
我鍾意呢個dressing 嘅組合，夠refreshing
仲鍾意佢好多好多🌸櫻花蝦🦐，好香口！
🔸Appetiser
～和牛可樂餅～
質地鬆化，咖哩味幾特別，餅底鋪滿黑白芝麻，香口之餘亦加咗層次感
🔸Soup 🥣
職員話呢個tasting menu 係要客人細心品嘗，估吓個湯嘅材料～
個湯顏色金金黃黃咁，一望落去以為係南瓜湯，但飲落唔覺佢有南瓜咁甜
有細細粒嘅紅蘿蔔，亦食到肉絲，感覺似曾相識，但又講唔出用咗乜嘢材料🤔，最後都要職員開估～🧐
💢金華火腿陳腎青紅蘿蔔湯💚🧡🥕📣📣
呢個湯確有驚喜🤩：中式食材，西式煮法
原來係廚師將青紅蘿蔔打成蓉，第一次係西餐食到青蘿蔔，真係估佢唔到😯
嗰啲一絲絲嘅肉，原來係陳腎
有啲脆脆哋鹹鹹哋又好香口嘅，原來係炸過嘅金華火腿嚟㗎！
🔸Bread
～香草蒜蓉包🧄🍞～
夠哂香草同蒜蓉味～
🔸Sides
～蒜蓉牛油蘑菇🧄🧈🍄～
蘑菇厚肉Juicy，蒜蓉牛油味都幾濃～
～薯條🍟 ～
薯條新鮮炸起熱辣辣，外脆內軟好味道，除咗配例牌嘅ketchup，另外仲有2款homemade sauce～
今次又要估，其中較深色嗰款味濃，我估係沙嗲醬嘅味，職員話原來係沙茶醬！
另一款淺色嘅反而係辣嘅，我食到有酸辣味，店員話原來係譚仔三哥酸辣醬～ 🥳
簡單如點薯條嘅sauce，都見Pheromone 落咗啲心思，帶出中西合璧嘅元素
🔸Steaks
🇺🇸 Flat Iron 最tender，🇦🇺 Chuck Tender 比較chewy ，🇳🇿 Rump Cap嘅脂肪配埋肉味最rich！
我不嬲都唔好脂肪，呢個combo 我最prefer 🇺🇸 flat iron! 我朋友鍾意肉味最濃嘅 🇳🇿 picanha!
最鍾意都係點海鹽，因為最唔影響肉味，另外兩款mustard 味相對比較重，有少少掩蓋咗塊扒嘅味道～
🔸藍莓芝士蛋糕🫐🧀🍰
中規中矩咁啦～
今日嘅扒有特色，唔係平時最熱門揀嘅部位，有啲開眼界嘅感覺，驚喜反而來自其他食物，特別係個湯同2個homemade 薯條sauce，令我感受到餐廳嘅誠意，佢座落大坑寧靜嘅街道，環境舒適，店員親切，不難明白佢點解成為城中嘅人氣餐廳 👍🏻
張貼
