Thirty First of May (已結業)

又到咗荃灣廣場嘅X田百貨減價時候，買完心頭好，就去咗隔離嘅大壩街搵地方食飯，見呢間 Thirty First of May 門面優雅漂亮，決定入去撐枱腳。餐廳環境舒服，裝修甚有格調，特別喜歡天花板上嘅兩個月球裝飾。揀咗豪華海鮮拼盤二人套餐 ($538)海鮮拼盤 - 龍蝦肉質緊緻有龍蝦味；帶子刺身爽口鮮甜嫩滑；生蠔蠔味濃郁得嚟帶有海水味及金屬味；鮮蜆爽甜帶海水味；翡翠螺螺味濃，肉質有嚼勁；蝦爽甜彈牙、青口creamy嫩滑。食海鮮最緊要就係新鮮，呢個海鮮拼盤款款都新鮮味美，推介！海鮮拼盤配有三款醬汁，豉油、紅酒醋及他他醬，不過因為款款海鮮都夠新鮮，所以唔使蘸汁都已經好好食。輕煎吞拿魚 - 吞拿魚塊表面煎得微脆帶有香草味，肉質細緻軟滑，配上酸酸味味嘅芒果沙沙及芥末蛋黃醬，整體配搭，健康清新味美。黑松露野菌忌廉湯 - 黑松露同野菌味香濃有層次，故意保留嘅野菌粒粒增加質感，同香脆鬆化嘅餐包十分夾。西班牙海鮮飯 - 海鮮飯面鋪有味美嘅蝦、蜆及青口，飯入面加有火腿粒，飯粒香口得嚟飯心保持少許嚼勁，既豐富又好食。熱咖啡 / 凍咖啡 - 各自配有一小瓶牛奶，熱咖啡跟熱牛奶，凍咖啡跟凍牛奶，連呢D細節位都