大哥雞飯去骨海南雞

營業中

休息中

今日放假，去咗大埔搵朋友，約埋一齊食午餐。行過見到一間新開嘅餐廳，主要食海南雞、喇沙、肉骨茶。我哋揀咗兩個午市套餐，套餐包括有主菜，餐湯和油飯。是日餐湯係椰子紅棗雪耳雞湯，清甜好飲，滋潤美味，飲得出冇味精。油飯比較乾身，香氣撲鼻。主菜揀咗海南雞配油飯（$62）幾乎每張枱都會叫海南雞飯，雞件嫩滑多汁，而且好入味，配上青瓜和三款醬汁，好食。而另一個主菜揀咗檳城滷水雙拼配滷水蛋 ($65）雙拼有滷水腩肉和滷水豬腸，仲有1隻滷水蛋，滷水腩肉和豬腸都夠味，都係我鍾意嘅食材，真係大滿足。飲品我哋叫咗芒果椰汁冰（$20)同椰汁紅豆冰（$20）大大杯，唔會太甜，消暑解渴。