影片
更多
2014-03-09
2910 瀏覽
星期六下午,去完大埔墟街市及熟食中心欽記粉麵食魚蛋粉,再到華輝餐廳買米芝蓮蘋果批,大約3:30pm 就到達第三站秋田麵包西餅,之前聽聞呢間麵包舖有椰粒仔賣,市區好多麵包舖都有椰撻賣,但係椰粒仔真係唔多見到,所以今次大埔行程其中一站專登去呢間麵包舖 秋田麵包西餅位於大埔墟懷義街,如果由大埔墟港鐵站行去鐵路博物館,一定會經過呢條橫街,經過一間幾多人等位o既西餐廳 Munch Now 就會見到麵包舖本來諗住仲有得賣咁罕有o既椰粒仔,應該係間舊式餅店,去到見到門面,原來裝修唔殘舊,店內都算乾淨整潔,睇到門口一邊賣蛋撻,另一邊櫥窗見到大個忌廉蛋糕及糯米糍等甜品,入去店內,見到都係o的普通麵包及蛋糕問過店員後,原來椰粒仔放o係門口側邊o既鐵架上,已經用膠盒入好,共有2層,每層有9粒,總共有18粒,每盒賣$14,於是我俾錢買左一盒就離開,繼續下一站行程買完椰粒仔向太和方向行,途中經過另一間麵包舖,見到門口有一盒盒蛋糕仔賣,但係就唔見椰粒仔當晚返到屋企拆黎食,原來麵包舖用粒細書釘釘實個膠盒,每粒椰粒仔大過一蚊硬幣少少,其實椰粒仔同蛋糕仔差不多大細,都係一盒18粒,一樣賣$14所謂椰粒仔,其實係椰撻入
星期六下午,去完大埔墟街市及熟食中心欽記粉麵食魚蛋粉,再到華輝餐廳買米芝蓮蘋果批,大約3:30pm 就到達第三站秋田麵包西餅,之前聽聞呢間麵包舖有椰粒仔賣,市區好多麵包舖都有椰撻賣,但係椰粒仔真係唔多見到,所以今次大埔行程其中一站專登去呢間麵包舖 秋田麵包西餅位於大埔墟懷義街,如果由大埔墟港鐵站行去鐵路博物館,一定會經過呢條橫街,經過一間幾多人等位o既西餐廳 Munch Now 就會見到麵包舖
本來諗住仲有得賣咁罕有o既椰粒仔,應該係間舊式餅店,去到見到門面,原來裝修唔殘舊,店內都算乾淨整潔,睇到門口一邊賣蛋撻,另一邊櫥窗見到大個忌廉蛋糕及糯米糍等甜品,入去店內,見到都係o的普通麵包及蛋糕
問過店員後,原來椰粒仔放o係門口側邊o既鐵架上,已經用膠盒入好,共有2層,每層有9粒,總共有18粒,每盒賣$14,於是我俾錢買左一盒就離開,繼續下一站行程
買完椰粒仔向太和方向行,途中經過另一間麵包舖,見到門口有一盒盒蛋糕仔賣,但係就唔見椰粒仔
當晚返到屋企拆黎食,原來麵包舖用粒細書釘釘實個膠盒,每粒椰粒仔大過一蚊硬幣少少,其實椰粒仔同蛋糕仔差不多大細,都係一盒18粒,一樣賣$14所謂椰粒仔,其實係椰撻入面o的椰絲椰茸餡料,不過就冇左o的批皮,適合o的唔鍾意食咁多餅皮o既人
椰茸唔會甜到死,夠晒椰香味,椰粒仔質感實淨,唔容易鬆散
細細粒,幾過癮,每粒可以分兩啖食,由於椰粒比較甜,適合配唔落糖o既咖啡做下午茶 ,始終椰粒仔食得多會覺得膩,比較適宜買一盒大家分享曾經聽人講過,以前麵包餅店做椰撻,用剩o既椰茸餡料先會用黎做椰粒,供應唔太穩定
而家o的椰絲唔平架,所以好多麵包舖節省成本,雞尾包都冇落椰絲
椰粒仔相對椰撻價錢較貴,若果諗住抵食就應該食返椰撻
若果大家對椰粒仔有興趣可以試下,睇到麵包膠袋,原來秋田麵包西餅o係天水圍都有兩間分店,我問過店員,天水圍o個邊分店都有得賣椰粒仔架!大家唔一定要專程黎大埔買
張貼
