許記麵家

營業中

休息中

平時極少去大埔依個地方，對於有咩美食都係零概念，今次專登問左住大埔既朋友仔有咩推介，佢諗都唔諗就推左許記麵家依間醉雞，既然佢咁講就緊係要試試佢啦。我係星期日既下午去，雖然都坐滿哂但我都唔使等就可以直入去,入到去見到每枱都叫一碟醉雞，咁睇黎真係好出名。由於我地食左個好豐富既早餐，唔算太肚餓，所以我地只係叫左一碗麵同一碟醉雞。🔸招牌花雕醉雞一上菜見到個賣相已經好吸引，係雞髀位置，食落花雕酒味都幾入味，肉質都算滑，唔會好老同埋又唔會好大舊骨，啖啖肉，以依個價錢黎講絕對值得試。🔸蝦籽撈麵蝦籽撈麵個份量都好多，佢仲會有碗湯比你可以同個麵一齊食，兩種食法，蝦籽好多，配落個麵到好好食，面個質地又唔會好冧或者好硬，岩岩好。總括依間店既野食價錢親民得黎又好食。