校長燒肉日韓料理 (大埔廣場)

營業中

休息中

衛生一定好差，做清潔洗碗嘅都要做埋切刺身。肉方面好普通，應該係佳寶攞貨，或者貨源一樣。所以如果要食燒肉，買個爐喺屋企燒都得，唔需要幫襯佢刺身師傅極不禮貌，雖然我已經好唔好意思好有禮貌咁請求，但去問佢攞刺身都要俾條友喝。唔知點解佢做刺身師傅會帶清潔手套同拎住個黑色垃圾袋一路執壽司一路五知做乜，啲刺身食落有d垃圾味添。啲爐方面佢就一定控制到可以令到客人燒肉時間長，所以如果大家畀多啲錢又要食刺身又要燒肉既話，就應該會時間好倉卒，尤其係如果個位畀人安排到係好唔方便嘅，就真係好似打仗咁。真係冇必要去每個禮拜咁多人排隊食。