稻八日式火鍋炸物放題 (已結業)

平時食日式火鍋、放題之類都要出到油尖旺，而家大埔都有啦！方便住新界既朋友。呢間係主打火鍋+炸物放題，湯底有8款簡，咁岩今日去到撞正佢推出的新湯底，係冬蔭功毛蟹湯，入面有成隻蟹架！湯頭酸酸地，唔會話好辣！叫完個套餐，店員即刻就拎左肉類上台，份量好多！我地幾個女仔食完第一輪肉都好飽了。呢到最有趣係可以自己炸野食，店內會準備好一串串的食物，包括麻吉燒、青椒、燒賣等等。自己個人最鐘意芋頭魚餅！簡好之後，可以自己點炸漿同埋面包糠，再自己炸！炸完仲可以加調味粉，推薦海苔及孜然粉！火鍋料方面都好多，係自助式，有好多丸類、響鈴、生根。熟食有咖哩飯。前菜都好豐富，有涼拌青瓜、螺肉等等。所以呢一餐食到好飽，好滿足。走之前可以憑收據領取movenpick / dreyers’雪糕! 店員仲比左優惠卷我地， 可以食滿$400 當$100 用，一定會再來的！