芝加哥串燒 (美豐花園) (已結業)

星期日同朋友去chill chill，去左一間日頭都有食串燒同飲生啤既餐廳。我地點左生啤我飲Asahi朋友就飲呢隻黑啤打卡一流有西餐我地叫左兩款店長推介：黑松露燒帶子串同埋燒豬仔腿再叫左一串串既串燒呢度既串燒會一齊上菜黑松露燒帶子串，帶子都幾新鮮同軟身，配黑松露都幾香口，同有燒烤味。朋友點左司華力腸，都燒得幾脆。個豬頸肉好正。我地一人點左一杯生啤飲，再點各款一樣既串燒就咁食都好飽。好彩無點太多。煙肉大啡菇好重煙肉味，個芝士汁比較厚身。雞串雞翼都好惹味，朋友就鍾意食丸，所以叫左一串龍蝦丸同墨魚丸，我自己就覺得無咁抵食。所以叫左其他串燒食。雞腎同牛舌，個人鍾意牛舌軟身口感，朋友好鍾意雞腎，我就覺得ok啦。呢個燒豬仔腿一份得一件，但好好食。後面既係一字排，都好香口。