金鷺湖

營業中

休息中

難得閒日放假，約咗朋友去大埔小白鷺金鹭湖餐廳食點心放鬆下。在大埔市中心轉小巴再行十分鐘就到。入面主要有兩棟building，西餐和中菜部。 對住大大個湖景，湖上有水上活動，環境十分優美，令人心曠神怡。入到餐廳，空間感光線十足，裝修好有氣派，有不少綠色植物做佈置，服務員態度殷勤，有五星級酒店水準。鮑魚真菌千層酥賣相一流，原隻鮑魚鋪在千層酥上， 非常吸晴。中間有滿滿的菌類做餡料，非常惹味， 酥皮做得好鬆化 ， 呢個配搭真係冇得輸。鮮蝦紅米腸加了红米做腸粉，顏色橙紅色頓時變得搶眼，有肉鬆，油炸鬼做餡料，內脆內軟。鹹水角啤梨仔新鮮熱辣出爐，鹹水角外皮 好脆好鬆化，而啤梨仔造形十分趣緻。雙色馬拉糕黑白相間，令平平無奇的馬拉糕添了新意。黑色部分相信是黑糖， 甜甜的，味道比較濃。另外是原味，甜度適中，好軟熟。魚湯鮮蝦水餃稻庭麵鮮蝦水餃大大粒好新鮮， 魚湯做到奶白色，真材實料， 麵身好嫩滑。 用石鍋碗盛載住，能保持熱力， 呢個心思值得一讚。