風雲丸 (已結業)

風雲丸沾麵作為一個新界人好少出香港嗰邊，呢日剛好嚟到灣仔就上網睇下有啲乜嘢好食，見到呢間 風雲丸好似好吸引，同埋未食過 沾麵就不如一試啦！首先啲裝修好日本風，仲有d枱枱燈燈都係木製嘅，另外仲有好多好日式嘅燈籠，睇落去都幾繽紛得意，環境不錯！石燒濃厚豚骨魚介味玉沾麵（$93）沾麵既湯係用石碗去裝，上枱嗰陣仲係熱辣辣，沾麵可以揀熱、凍或者暖，店員建議用暖麵，會突出麵嘅味道。而叉燒得一塊，個人認為就比較「鞋」，不過個 #魚介湯 攞嚟沾麵就好好味👍🏽肉盛豚骨魚介沾麵（$128）作為食肉獸嘅男朋友就叫左份量大四倍既肉盛版，一共有四塊叉燒，不過肉質都係少少「鞋」身，同埋少咗隻溫泉蛋。