喇沙大少 (已結業)

端午節去左Emax睇戲，第一次係哩度睇戲，原來又幾好座幾舒服，以後就係哩度睇戲啦🤩🤩🤩睇完戲好肚餓啦，要去揾野食嚕，行行下去左megabox，原本諗住去宜家食，不過睇怕都係超多人架啦，唯有睇下仲有咩選擇啦，去到11/F見到哩間食東南亞餐廳，見到有位唔多人，即刻入去先🤗🤗🤗公眾假期都有午餐menu，而且都好多選擇，最後叫左嗰海南雞飯同埋豬手飯，朋友話佢碟豬手飯啲豬手都炆得好淋，不過就唔多熱咯，至於我碟海南雞好大碟，一定比其他餐廳大碟，啲雞多到呢，而且啖啖肉，我最鐘意食雞胸，咁岩全部都係雞胸位置，而且仲有菜心食，不錯不錯！