混亂拉麵 (已結業)

食過幾次混亂拉麵，好明白到做人真係唔可以貪心，就好似呢一個拉麵咁 ，一倍或者兩倍嘅野菜都會食得曬，但如果三倍呢，如果你唔係真係咁大胃口，同埋食量咁大嘅人，就真係唔好嗌啦。 因為三倍野菜嘅 份量，真係好多唔係人人食得到。主要有芽菜椰菜，加埋鹽同胡椒，係鐵板上翻炒，其實就咁食已經好好味，不過放埋落湯，就會吸收到湯底嘅味道香濃嘅油脂味，連湯底一齊食，正。叉燒就唔算好特別，但係佢可以加背脂，即係豬油肥肉，令到個麵好香。麵既質地都幾彈牙，幾好食，不過我鍾意食幼身少少，可以掛湯。