餃里 (悅湖商場) (裝修中)

放工見天氣炎熱，唔想入廚房煮飯，於是便來到呢間餃里，目測都幾多街坊幫襯，餃子係即叫即煮同煎，要等15分鐘左右，拎上手果然熱辣辣。香荽鮮肉餃6隻$36 +$8湯麵:湯餃好飽滿，芫茜好足料，食落味道夠清新!係豬骨雞湯底，無味精。而我鐘意加少少辣菜脯，食落會生色不少﹗麵條係粗身，顯彈牙！煎泡菜鮮肉餃/咖喱鮮肉 6隻$44:香脆惹味，泡菜味酸辣開胃，咖喱味香濃惹味點少少柚子醋清新，可以去除膩感﹗小辣餃里撈麵$15:好多辣菜脯既撈麵，香口味濃~另外仲叫左一打生餃混韭菜/椰菜餃$46，包裝精美，仲有埋單張教烹煮既方法，清楚明瞭。