大滿屋日本料理 (已結業)

自從食過上次之後一直都想再黎食過，今日卒之有機會喇。唔知由幾時開始，日式放題竟然有泰式野食，由原本得啖笑做到依家越黎越好，越正宗，呢度個泰式生蝦個味道做到同九龍城啲泰國菜館分別不大，亦都算新鮮彈牙，果然係必點推介。 海蝦天婦羅，唔好以為食放題就俾啲炸蝦米你喎，呢度啲海蝦天婦羅隻隻都成五六吋，炸得甘香可口，如果再熱啲一定更加好食姐。玉子天婦羅，蝦啊，南瓜啊，蕃薯啊呢啲天婦羅就試得多，玉子都有得做天婦羅真係未試過喎，不失為一個 good  try。吉列蠔，繼生蝦之後既第二最愛，炸得鬆化，隻蠔又夠飽滿，個炸漿又唔會話太厚，點少少沙律醬真係正到無朋友。芝麻雞翼，繼吉列蠔之後既第三最愛，雞翼醃得入味，皮薄餡靚，加埋香口既芝麻，得左。花之戀人，都係 mini 版嗰吓至得我歡心，三文魚同舊飯既比例黎講..真係前所未有咁多餸。