阿四車仔麵 (已結業)

之前有friend提過呢間嘅車仔麵足料又好味，由是就嚟試試佢。今次我嗌左腩肉、糖心蛋同豬紅，幼麵底。送到上嚟好有驚喜，腩肉係超大塊，好厚身！唔係平時食開簿簿地幾片，而且口感稔得嚟有啲咬口，唔會好削。而糖心蛋就正常發揮。至於豬紅都好正，應該係用湯底煲嚟煮，入曬味，仲要好彈牙好新鮮，堅正！幼麵嘅麵身亦都煮到恰到好處，唔會太軟或太硬。而湯底方面我揀咗腩汁同咖哩汁，同真嘅車仔麵檔一樣可以溝汁，呢點非常好。另外我都嗌左個炸豆腐，唔油膩，外脆內軟，價錢平份量又多。