川之味麻辣米線 (已結業)

米線腔又出動啦～呢一間位於旺角嘅米線餐廳，門面比較噏耷，但食物質素絕對可以拍得住譚仔！叫咗個大碗米線，份量都幾多，啱晒兩個人share嚟食，湯底叫咗小辣，對比起譚仔會再辣啲啲，同時你會見到酸菜唔會額外俾個小碟你，而係直接放咗落成碗面裏面。無論腩肉、牛肉、雞肉都唔鞋！丸類都彈牙，係水準之作。呢度嘅雞翼又係必點嘅，餐廳好好可以俾你揀雙拼雞翼！今次揀咗香草味同埋麻辣味，兩隻味都超級好食而且入味，雞翼煎得非常可口。如果唔想食連鎖店嘅米線，都推介大家試一試呢一間（特別係鍾意食辣嘅朋友）