Pho Metro (已結業)

又到一星期出外午餐的日子，今次去左蘭芳道個度食越南河。店員問我地介唔介意坐房，我地無所謂就坐了。入到去發現有兩張枱，如果想靜靜傾下計，坐入面都唔錯。但係因為太入面，要叫店員就有少少難度，因為店員多是集中在外面。我叫左碗特別牛肉湯河，是單點的，唔包飲品。芽菜青檸係分開上的，視乎你需要同喜歡嚟自己加幾多。呢個湯河入面有生牛肉、腩片、牛丸、牛柏葉，款色多多，有濃濃的牛肉味。不過，如果牛丸大粒少少同埋牛柏葉不用切這樣細會更好。越南河個湯好傳統，搭配河粉一流，我特別喜歡夾埋洋蔥一齊食。河粉大大碗，都幾滿足！但係如果呢個價格係包埋飲品，會感覺實惠一點！