川味美食

營業中

休息中

呢間舖細細哋,係正在喺商場入面，就腳又容易搵，有電視睇，唔怕悶。餐廳有透明隔板，做足防疫，衛生唔錯，侍應抹枱亦會抹膠板，都好頻密，感覺良好。店舖食品選擇繁多餸菜可以自己配搭, 可以食薯粉、米線、上海麵底，有辣有唔辣，任君選擇，餸菜都好多款選擇，唔想諗嘅亦都有已配好的餸嘅配搭。叫咗一碗豬頸肉通菜麻酸中辣上海麵 ，一見到碗麵就覺得好大碗，上海麵原係粗麵，份量十足，到最後我都食唔曬，實在太飽，$39蚊一碗咁大碗嘅麵真係好抵食。豬頸肉好入味，通菜剛剛好，唔會太老又唔會太生，配菜好味，酸菜唔會只得個酸字，帶有甜味，酸酸甜甜好開胃。肉碎辣度剛剛好，又入味，成個配搭好滿意，值得一試。