豪隍點心工房

營業中

休息中

新春就好似離唔開要飲茶，食咗咁多日盆菜糕點，就想飲杯茶。豪隍呢間餐廳，良心小店💛，新春照常營業🈺️，重點講明唔加價，唔收加二加三，公道！幫襯過咁多次，想試嘅點心，基本都試過喇！就介紹一下我平時必點嘅點心🥧，等大家唔使花多眼亂！🍴蝦餃皇 $29/ 2隻豪隍點心，出名大大粒兼足料。皮薄餡料多，啖啖蝦肉粒，爽口彈牙，一隻等於食咗2粒😂。味道方面，屬傳統派別，有少許大地魚味，肥豬肉比例均勻，唔會覺得太罪惡。🍴潮州粉果 $27每次必點，最鍾意佢皮薄煙韌，不過今次少少失手，蒸過火少少，一夾就爛咗，不過唔影響味道。韭菜味香濃，粉葛甜，如果鍾意食韭菜嘅朋友，包你啱心水！🍴蝦腸 今次好抵讚，腸粉滑溜綿密，原隻蝦粒，一樣爽口。豉油味唔算濃，配上腸粉，好夾。🍴牛肚 好多酒樓都有得叫，不過有時有陣雪味，加醬料醃完就算。豪隍呢個無呢個問題，好好煙韌，都好入味。貫徹大大件賣點，連牛肚都係大大嚿。東廣場新店，比總鋪裝修靚好多，行日式清新風格，不過地方相對隔涉，方便度就一般般。始終唔係酒樓，用上膠杯膠碟，如果以飲茶嘅角度嚟講，始終都有啲扣分。