Paisano's Pizzeria (已結業)

上星期六下午帶埋一家人到親戚屋企玩，因為很多小朋友，不方便外出用餐，到晚飯時間，想到這間成日經過都話想買Pizza食下嘅買外賣。之後來到這間近廣華醫院的美式薄餅店，未行入門口已經感受到薄餅的香氣，二話不說排隊order一個24吋直徑的大大pizza，選咗煙肉芝士漢堡口味，問咗收銀職員說要等20分鐘，拿了單據就到附近再買其他食物，20分鐘後再回到薄餅店拿取，職員有將剛焗好的薄餅打開盒確認一下，便火速拿回親戚屋企開餐！小朋友們見到大薄餅都非常雀躍，薄餅未打開都已經香到不得了，打開盒子薄餅是切開八大片，而且餡料豐富，有免治牛肉、煙肉、車打芝士等等，基本上兩個大人才可食到一片，小朋友的話一片都要再分3-4小片，份量是無可置疑，至於味道是略為重口味，有點偏鹹，吃幾口就要馬上找汽水喝下去，但間唔中食下也是不錯的選擇。