名 料理 (已結業)

這日放假我哋去大埔行吓，去吓新沙灘龍尾灘。去沙灘之前，嚟到再租單車店附近嘅名料理食午餐😊餐廳分開室內及室外位置，我哋今次坐咗喺室內地方，充滿日式溫馨居酒屋感覺餐廳有午市套餐，亦有唔同嘅單點食品選擇我哋叫咗兩客午市定食以及一些小食烤雞泡魚乾好好味，熱食時超香牛舌爽口，加上一啲檸檬汁調味更加感覺清新明太子雞翼去左骨啖啖肉，充滿明太子嘅鹹香定食包括一碗飯、湯、沙律、以及主食。豆腐麵豉湯都幾好飲，沙律菜清新，比目魚西京燒好入味，魚肉好滑，魚皮燒得好香口，點埋沙律醬食同埋送白飯好正。豚肉洋蔥生姜燒嘅調味做得好好，洋蔥炒得好香口，豬肉都偏向爽口結實。最後　我哋嘅飲品點左果味梳打。白桃梳打感覺香甜，巨峰提子梳打味道濃郁。