影片
更多
2022-06-29
2577 瀏覽
又到左迪士尼之旅嘅時間啦，除咗玩同嘆之外，連埋樂園裏面都有數之不盡嘅餐廳，國際美食包羅萬有，美食質素有好有壞，價錢都真係幾有驚喜，但預咗入嚟玩就一定要破費啦，今日第一餐就係來自香港迪士尼酒店裏面嘅晶荷軒，顧名思義餐廳設計為荷花，無論大至燈飾小至枱櫈都係混入左荷花同木嘅元素，好有中式嘅格調，餸菜方面都係中菜為主，嚟到呢度梗係要試啲特別嘅餸菜啦😆😆今次我哋試嘅呢一份就係”迪士尼特色點心午餐”，呢個二人嘅lunch set睇落去菜式比較少，但食落嘅份量又真係夠飽喎😍😍🦀彩棠蟹肉豆腐羹:呢個豆腐羹好清甜，佢嘅蟹肉超多，影落去一絲絲嘅都係蟹肉嚟，絕對唔孤寒，所以先可以餚出咁鮮甜嘅羹，豆腐切成細粒，又夠嫩滑，再加上玉子點綴，熱辣辣呈上，好味🤭🤭🥗柚子鮮元貝沙律:其實佢每度餸都會分開兩細碟，本身睇落去都覺得份量有啲少，其實每樣食食吓會夠飽，呢個沙律佢足足有三隻元貝，沙律菜都係特別嘅配搭，例如紅椒，青瓜，芽菜等，佢同一般西式沙律唔同，但食落質感都唔錯，亦都唔會有臭青味，配上千島醬超開胃，元貝都新鮮，隻隻都大粒，食落都有鮮味😋😋🍞迪士尼特色點心包括有，蠔汁叉燒豬仔包，綠色小人菜肉包同埋米奇煎薄餅，呢幾款
今次我哋試嘅呢一份就係”迪士尼特色點心午餐”，呢個二人嘅lunch set睇落去菜式比較少，但食落嘅份量又真係夠飽喎😍😍
🦀彩棠蟹肉豆腐羹:呢個豆腐羹好清甜，佢嘅蟹肉超多，影落去一絲絲嘅都係蟹肉嚟，絕對唔孤寒，所以先可以餚出咁鮮甜嘅羹，豆腐切成細粒，又夠嫩滑，再加上玉子點綴，熱辣辣呈上，好味🤭🤭
🥗柚子鮮元貝沙律:其實佢每度餸都會分開兩細碟，本身睇落去都覺得份量有啲少，其實每樣食食吓會夠飽，呢個沙律佢足足有三隻元貝，沙律菜都係特別嘅配搭，例如紅椒，青瓜，芽菜等，佢同一般西式沙律唔同，但食落質感都唔錯，亦都唔會有臭青味，配上千島醬超開胃，元貝都新鮮，隻隻都大粒，食落都有鮮味😋😋
🍞迪士尼特色點心包括有，蠔汁叉燒豬仔包，綠色小人菜肉包同埋米奇煎薄餅，呢幾款都係迪士尼嘅特色造型點心，豬仔嘅就係叉燒包嚟，其實佢哋嘅包類外表係幾靚，但裏面就有啲失望，佢啲餡料都好少，可能叉燒包有幾舊肉粒咁，而三眼仔菜肉包佢嘅餡料都係少，味道都好一般，反而米奇煎薄餅就有驚喜，之前都有食過米奇形狀嘅窩夫，喺佢配咗豆瓣醬之後，先知佢係鹹點嚟，真係同酒樓嗰啲家鄉煎薄餅差唔多，佢嘅味道真係唔錯，煎到好鬆軟，又唔會好油👍🏻👍🏻
🥬迪士尼小炒:佢哋嘅蘿蔔同翠玉瓜都變成迪士尼圖案，好有夢幻嘅感覺，裏面都有三隻嘅蝦球，好彈牙嫁😆😆，外面嘅碗仔食得又睇得，整個賣相唔錯，我諗小朋友見到都會愛上食蔬菜😏😏
🐔檸汁芝麻炸軟雞:其實佢煎得都唔錯，都係外脆內軟，雞肉質感都ok，但有啲覺得佢同呢個set格格不入，賣相差啲，擺位都有啲奇怪，所以就覺得佢唔係好夾，不過份量就有啲少，嗰張相係二人份量嚟
🌟蠔皇鮑魚炒飯:呢個炒飯係要俾個讚佢，事關佢做到的骰之餘賣相出眾，鮑魚又夠得體，講到內涵，佢嘅炒飯係粒粒分明，只係有啲芡嘅關係所以睇落去黐埋咁解，飯都入味，事關佢撈左蛋漿去炒之餘仲要溝入蠔油，令到無論色澤定味道都出色🤤🤤，鮑魚睇落唔算好大隻，但都夠晒煙韌，唔會一味得個韌同冇味
🧁迪士尼Duffy紅豆蓉包配雙色凍糕:由頭盤，主菜，到甜品，每一道餸都好精緻，就好似甜品咁，就以近幾年最Hit嘅Duffy 為題，裏面釀咗紅豆蓉，今次呢個紅豆蓉包反而幾好食，佢嘅餡料都夠多，紅豆蓉唔會好甜，凍糕方面佢分別係桂花同埋山楂味，糕就麻麻地，因為佢食嘅時候已經好淋，冇咗嗰種啫喱嘅感覺，雖然山楂嘅糕點係有啲特別，但食落就麻麻聲，可能本人唔係咁鍾意食山楂嘅製品🤷🏻♀️
總括來講其實呢個lunch評價都唔錯，兩個人真係完全夠食，我仲覺得菜式啱啱好，唔使浪費之餘又可以品嚐晒咁多款嘅美食，但價錢方面就要考慮吓，大概二人lunch set要$900左右，所以可以嚟一試既😍😍
張貼
