順德公漁村河鮮酒家 (已結業)

香港人愛中菜，但一般選擇離不起都係川菜上海菜廣東菜等等，今次第一次食正宗順德菜，內心充滿住期待，亦因為對順德菜沒有什麼概念，結果反而充滿驚喜。一起始的鮮螺頭燉雞湯已經非常出色，螺味極濃，用料極豐富，味道濃厚得嚟湯水卻十分清澈，喜歡雞湯既一定滿意。招牌煎焗啜魚頭香口嫩滑到不得了，上粉適中煎出嚟效果卻有點像炸般惹味，而且一點腥味都無，必試推介。大山坑鯇魚嫩滑到好似食九肚魚咁，魚湯底鮮味濃厚超好味，雖然河鮮的確相當多幼骨，但味道卻超乎意料之中，雖然已經飲了燉湯，但卻無阻我飲埋咁美味既鮮魚湯煎釀二叔公，非常有趣的名字，尖椒釀魚肉配蓮偶釀魚肉，簡單卻無盡顯功架，青椒及蓮偶帶爽勁，內裡魚肉卻帶香軟，雙重口感太子成名脆皮咕嚕肉絕對係另一驚喜，原以為平平無奇，食落口感卻係酥軟無比，酸甜度適中，非常開胃食極都唔厭銅盤蒸污糟雞，原以係重味豪邁的一味餸，反而感覺係輕盈的，簡單黄豆醬做主調的味道，調味恰度好處，正正代表到順德菜重原味鮮味為主的感覺籠仔梅菜蒸菜遠，梅菜惹味到可以用嚟撈飯，但基本上去到尾聲都已經又飽又滿足，食返一些輕盈既蔬菜正好用嚟結尾整餐飯每碟餸都極高水準，而且調味恰到好處不會過重，好明顯感受到