妹記大排檔 (已結業)

响加拿芬廣場上完堂，同朋友落樓下妹記食午餐。因為佢嘅午餐响尖沙咀嚟講，有老火湯同罐裝汽水，係幾抵食，上次食過味道又唔錯。是日老火湯係粉葛去濕湯，呢排回南天，人易覺得攰，啱晒！豉椒排骨炒麵好香，顏色又幾靚，麵底炸得夠脆，不過就油啲，排骨正正常常ok咁啦，份量好大，小女子吃不完。同學的蠔仔肉碎湯飯好多芫茜，幾香，蠔仔唔算多，同學成碗食曬，應該唔錯飲咗湯，飲唔落汽水，可以唔開住，成罐拎走，慢慢先飲。佢好似仲有啲三十幾蚊嘅餐，無影相，所以唔記得係咩嚟嘞。