龍鳳祥餃子館 (裝修中)

同朋友嚟到呢間餃子店，本身只係俾佢門口嘅冬陰公湯吸引到。但入到去先發現大有驚喜！！！💆🏻‍♀️💆🏻‍♀️首先講咗個冬陰公餃子先！餃子非常入味，同個湯非常夾！冬陰公湯辣而不太鹹，食完又唔會太口渴。絕對係會回頭之選！🤣🫶🏻之後就係蕃茄蛋餃，鮮甜得很！又係入味之選！好少見到有蕃茄蛋餃，本身仲驚唔夾，點知又出奇地夾喎！新奇得意！🤣之後係洋蔥牛肉餃，自己不嬲最鍾意呢個餡嘅餃子，每次食餃子見到都會叫。呢間嘅洋蔥牛肉唔會俾洋蔥味蓋過哂個牛肉味，非常推薦。❤️❤️最後講埋啲小食，豬耳好爽口不特止又唔太乾，酒雕雞翼同辣雞翼唔係平時見嘅縮水雞翼！隻隻都大大隻！三個朋友一齊食呢個份量，飽到不得了！大滿足！又唔貴！大推！🫶🏻