影片
更多
2020-04-27
67 瀏覽
呢度環境好日本風，新開張，夜晚黎到好多人排隊！叫左個醬油漬牛舌拉麵，拉麵有得配牛舌真係好罕見！而且個牛舌係成排咁鋪滿面，好豪華～總共有12塊咁多！食落口非常驚艷！軟硬適中，好濃味，超好食！仲有半隻半熟溏心蛋～好味！配菜有木耳絲同粟米粒，啲拉麵夾起都掛滿濃郁嘅豚骨魚介湯，個湯唔會太咸，成碗拉麵都好高水準！然後試左個好邪惡嘅三重芝士煙肉焗蟹柳，新鮮焗出黎好熱，芝士味好香，同蟹柳好夾，芝士溶哂喺蟹柳面，融為一體，不過食得多會有啲漏，但值得一試！仲叫左個原條茄子配鮮冬菇汁，個人覺得配燒汁會好啲，冬菇汁有啲重口味，不過個茄子都燒得唔錯，切好一件件，唔洗好似平時咁逐條撕出黎食，夠哂入味。店舖做緊骰子遊戲，擲到孖骰有免費啤酒飲，都幾抵玩！
叫左個醬油漬牛舌拉麵，拉麵有得配牛舌真係好罕見！而且個牛舌係成排咁鋪滿面，好豪華～總共有12塊咁多！食落口非常驚艷！軟硬適中，好濃味，超好食！仲有半隻半熟溏心蛋～好味！配菜有木耳絲同粟米粒，啲拉麵夾起都掛滿濃郁嘅豚骨魚介湯，個湯唔會太咸，成碗拉麵都好高水準！
然後試左個好邪惡嘅三重芝士煙肉焗蟹柳，新鮮焗出黎好熱，芝士味好香，同蟹柳好夾，芝士溶哂喺蟹柳面，融為一體，不過食得多會有啲漏，但值得一試！
仲叫左個原條茄子配鮮冬菇汁，個人覺得配燒汁會好啲，冬菇汁有啲重口味，不過個茄子都燒得唔錯，切好一件件，唔洗好似平時咁逐條撕出黎食，夠哂入味。
店舖做緊骰子遊戲，擲到孖骰有免費啤酒飲，都幾抵玩！
張貼
