春水堂 (新城市廣場三期)

營業中

休息中

平日夜晚黎到沙田，大約1830pm就已經有10-12人排隊等緊，不過都吾算等得太耐，約15分鐘內就可以坐低叫野食啦～環境方面都坐得舒服。麵線夠幼滑又彈牙，撈埋醬汁同啲滷素，菜式簡單，味道唔錯，但份量略嫌少。慢煮豬手有驚喜！每part都煮得好入味同好林！下次會直接叫一份慢煮豬手👏🏻魯肉飯不過不失，其他配菜則普通。胚芽同奶茶好夾👍🏻茶味濃郁，好好飲，稍為略甜。外表同味道都非常接近台灣既鹽酥雞，雞肉嫩又帶有少少肉汁，表面撒上少少胡椒，炸粉不會過厚，每次必點！👍🏻杏飽菇非常大舊，且咬唔開，勁難入口。一咬舊菇就連個炸皮分離，成碟野是唔好食的～👎🏻總括而言，大部分食物都頗有質素，茶類無得頂，想同朋友飲下野傾下計都可選擇呢間台灣野，價錢就略嫌貴，份量偏少。