大欖燒烤

營業中

休息中

秋天最啱燒嘢食🤤今次就去咗大欖燒烤場，個場有3個選擇: (1) 港式燒烤、(2) 大欖串燒、(3) 大欖流水蝦🦐。港式燒烤最平，但有任食冇任飲；大欖串燒同大欖流水蝦都係150分鐘任食任飲。大欖流水蝦包左串燒有既野食，但就多左流水蝦，而且一定有冷氣 (呢個point我既同行朋友mention左好多次)。大欖串燒星期二至五$208位，星期六至日及公眾假期$238位；而大欖流水蝦星期二至五$328位，星期六至日及公眾假期$348位。我地幾個都想食流水蝦🦐，所以揀左最貴嗰個plan，送一隻海鮮船，蠔同鮑魚每人一隻，蜆就大概每人4隻，我寧願好似佢咁限數量俾高質啲既海鮮，都唔好俾急凍或唔新鮮既我。每枱都有個蝦糟，燒到冇蝦，隨時可以叫店員加，佢地都會即刻幫手。大頭蝦隻隻又大隻又生猛，唔似去過另外既餐廳，得一半生猛，又有啲蝦特別細隻。蝦頭超級多膏仲要係流心，蝦肉彈牙鮮甜🤤。除左大頭蝦，熊本一口牛、紐西蘭羊架、蝴蝶雞全翼、叉燒粒係必食推介。