豐鍋雞煲 (荔枝角道) (已結業)

行經深水埗覓食心血來潮好想食雞鍋一坐低即時選到想食既口味就係花膠螺片雞煲喇上菜時間好快基本上去洗手間洗個手出去拎埋醬料就已經上左個鍋雞件花膠係同個鍋分開上方面食果時先放啲雞件入去避免雞肉過熟湯底好清甜有紅棗杞子 好養生啊！另外加配左雪花肥牛 一份都好大碟起碼有一打涮起上黎牛味好出 唔會鞋口不錯👍🏻再加多一份四寶丸有墨汁墨魚滑 蝦滑 鯪魚肉 墨魚滑爽口彈牙正！小妹最愛響鈴輕輕點一點湯就岩哂 唔會大淋將湯既精華吸哂入響鈴度回味無窮呀簡直最後加配一份生菜吸一吸湯水既油呢份菜特別好味😋食雞煲點可以唔叫飲品今次叫左藍蝶雪梨特飲岩哂食完雞煲清清熱解毒玫瑰花柚子夠哂清新特別整體黎講係正既😎