舍利鮨 (已結業)

友人生日，去佢屋企玩順便食好野同佢慶生。佢屋企附近開咗間食omakase嘅餐廳，就一於去試吓。三文魚子配海膽 - 兩樣都係我好鍾意食嘅嘢，一次過滿足晒兩個願望。海膽好鮮甜，一啲都唔腥，配合埋大大粒嘅三文魚子，好juicy！松葉蟹壽司 - 第一次食，啖啖肉，好鮮！牡丹蝦壽司 - 蝦肉煙韌彈牙，上面有一層蟹膏醬，令壽司層次更豐富！拖羅壽司 - 好厚身，魚油好豐富，好滿足。帶子 - 火炙過嘅帶子，加埋香脆嘅海苔，完美配搭。海苔中和返帶子嘅油膩感，好fresh。慢煮鮑魚 - 好軟熟，煮得好入味。