影片
更多
2019-11-17
843 瀏覽
第一次係長沙灣呢間金鮨食飯，覺得非常喜出望外。佢店面好細，星期五八點左右經過咁啱無咩人就同朋友入左去。佢店入面既裝修好有日本居酒屋既感覺，氣氛唔錯，入到店內聽到佢播緊pretender就突然覺得店主品味唔錯！不過D凳就係無得挨果種，唔算特別舒適，想座得舒服既人可能唔係特別適合。佢主要食丼飯，選擇好多，我揀咗上三味刺身丼，朋友揀咗原條鰻魚丼。我個刺身飯包括有兩片三文魚，帶子，八爪魚，六隻甜蝦同吞拿魚蓉。全部刺身都非常有水準，三文魚厚身得黎又大片，帶子鮮甜又大隻，八爪魚係好難得完全唔硬而且鮮味，甜蝦有成六條都好有誠意！吞拿魚蓉係我既最愛，更加唔使講。我食刺身丼最怕溫度太凍未融雪或者太暖食落好怪，但呢個丼飯完全唔會！醋飯味道都調教適中，非常唔錯！而份量黎講就絕對超值，雖然我比較細食，但個丼飯真係好夠份量，我奮鬥到最後都係食唔曬！以呢個價錢食到咁有份量又好食既刺身飯，真係大滿足！（仲唔收加一服務費，抵！）要留意係只收現金，記得帶錢。最後值得一提係朋友個鰻魚飯先上佢等埋我先食，到我個飯上既時候店內既姨姨主動問我地要唔要整番熱個鰻魚飯，見到朋友個袋唔知擺邊讀度又提醒我地枱下有勾之類，雖然一開始覺得
佢店面好細，星期五八點左右經過咁啱無咩人就同朋友入左去。
佢店入面既裝修好有日本居酒屋既感覺，氣氛唔錯，入到店內聽到佢播緊pretender就突然覺得店主品味唔錯！不過D凳就係無得挨果種，唔算特別舒適，想座得舒服既人可能唔係特別適合。
佢主要食丼飯，選擇好多，我揀咗上三味刺身丼，朋友揀咗原條鰻魚丼。
我個刺身飯包括有兩片三文魚，帶子，八爪魚，六隻甜蝦同吞拿魚蓉。全部刺身都非常有水準，三文魚厚身得黎又大片，帶子鮮甜又大隻，八爪魚係好難得完全唔硬而且鮮味，甜蝦有成六條都好有誠意！吞拿魚蓉係我既最愛，更加唔使講。
我食刺身丼最怕溫度太凍未融雪或者太暖食落好怪，但呢個丼飯完全唔會！醋飯味道都調教適中，非常唔錯！
而份量黎講就絕對超值，雖然我比較細食，但個丼飯真係好夠份量，我奮鬥到最後都係食唔曬！以呢個價錢食到咁有份量又好食既刺身飯，真係大滿足！（仲唔收加一服務費，抵！）要留意係只收現金，記得帶錢。
最後值得一提係朋友個鰻魚飯先上佢等埋我先食，到我個飯上既時候店內既姨姨主動問我地要唔要整番熱個鰻魚飯，見到朋友個袋唔知擺邊讀度又提醒我地枱下有勾之類，雖然一開始覺得佢好似有D黑面嚴肅，不過原來服務都好好！
佢仲有好多選擇，值得再戰！
張貼
