影片
更多
2020-03-20
1276 瀏覽
好耐無同朋友聚聚，又好耐都無乜點出遠門食嘢，所以約咗係尖沙咀食個晚飯。呢間餐廳可以話係巧合地遇上，本身想係厚福街一帶揾揾，見到門外有一條小人龍，於是好奇睇睇餐牌，乍看之下「和牛漢堡扒」，而且價錢平民，食得起！瞬速加入人龍等位。雖然唔好見鋪頭細細，其實位置都幾多，等咗一陣一批客人埋單就好快入座。係門口等候期間已決定好分別柯打：芝士蛋蒜和牛漢堡扒、墨西哥辣椒和牛漢堡扒、金橘檸檬特飲及雀檸。最先上嘅其實係芝麻椰菜絲、麵豉湯加白飯，仲有泡菜同醬油調味料。對我而言，跟餐有齊沙律、飯、湯，真係十分齊備，已經預感到會非常飽腹。話口未完，最令人期待嘅和牛漢堡扒隨即趕上，呢種石燒同之前食過嘅有啲唔同，全靠一塊燒熱好嘅石去煎熟碎牛。至於細份和牛份量都分開煎咗好多次，感覺食極都仲有；再加上又要落手落腳，所以個人覺得都既抵食又幾好玩。當然最重要係能夠控制番漢堡扒嘅生熟程度、尺寸厚度等等，岩哂食得嫌尖嘅我！先講蒜味芝士和牛漢堡扒，其實和牛味好濃郁，我估假如純原味應該都會非常唔錯；至於加入芝士同蒜片，食落野味一啲。另外亦試過夾住泡菜食，又係另一種滋味，爽脆泡菜嘅辣都幾開胃，重點鋪內泡菜幾好食。而蛋方面，我比較分開
雖然唔好見鋪頭細細，其實位置都幾多，等咗一陣一批客人埋單就好快入座。係門口等候期間已決定好分別柯打：芝士蛋蒜和牛漢堡扒、墨西哥辣椒和牛漢堡扒、金橘檸檬特飲及雀檸。
最先上嘅其實係芝麻椰菜絲、麵豉湯加白飯，仲有泡菜同醬油調味料。對我而言，跟餐有齊沙律、飯、湯，真係十分齊備，已經預感到會非常飽腹。
話口未完，最令人期待嘅和牛漢堡扒隨即趕上，呢種石燒同之前食過嘅有啲唔同，全靠一塊燒熱好嘅石去煎熟碎牛。至於細份和牛份量都分開煎咗好多次，感覺食極都仲有；再加上又要落手落腳，所以個人覺得都既抵食又幾好玩。當然最重要係能夠控制番漢堡扒嘅生熟程度、尺寸厚度等等，岩哂食得嫌尖嘅我！
先講蒜味芝士和牛漢堡扒，其實和牛味好濃郁，我估假如純原味應該都會非常唔錯；至於加入芝士同蒜片，食落野味一啲。另外亦試過夾住泡菜食，又係另一種滋味，爽脆泡菜嘅辣都幾開胃，重點鋪內泡菜幾好食。而蛋方面，我比較分開地送飯，沒有太大感覺。但整體我覺得豐富，而且和牛碎肉後，都係咁好食，呢個價錢實在係平民，值得。
我其實亦有小試朋友嘅墨西哥風和牛漢堡，本來以為會太辣，但實物又感覺正常好多，應該是上層加了一少許酸瓜，肉裡有些微嘅辣味，我唔太食得辣，但可以應付得到。整體味道呢，我形容有少少似Pizza至尊批嘅味道，和牛嘅味道有少少被蓋過。濃味但微辣，送飯都一流。所以兩款各有千秋，因喜好可以決定點揀。
飲品方面，選擇唔算太多。但特飲味道正常，而且份量算大杯，所以食得太溜，叫一杯清清地中和一下，都還可。罐裝飲品唔算海鮮價，亦可選。
離開個陣，問了朋友整體感想，睇住門口人龍又比剛才長一啲，其實都能夠理解。二人都覺得今晚呢餐都頗滿足，難得有間店可以最後乾乾淨淨食哂所有嘢。雖然叫咗細份，其實又可以食到好飽！兩人一齊食兩百幾蚊埋單，比起食放題更好味更有意思，尖沙咀又多咗一個食飯選擇。
張貼
