楽壽司 (已結業)

放假就緊係去食好西，今日下午就去左銅鑼灣食男朋友最愛既日本野。適逢餐廳六周年，楽壽司推出左個lunch set，見到都好有興趣，每位$660，六款壽司配六款刺身。價錢唔平，但絕對物有所值。先講餐廳位置，位置銅鑼灣後街嘅商廈，係時代廣場後面，都幾方便。但由於大廈正左裝修，所以要小心留意返個入口。餐廳裝修好靚，樓底好高令到感覺好華麗，好高級，配上軟綿綿嘅梳化，令人感覺好舒服。首先會有前菜，係蘿蔔絲，蘿蔔好甜，不過個人就對呢個前菜感覺普通，唔係唔好食，我會鐘意食蘿蔔而唔太好蘿蔔絲。而另一個前菜就係刺身配沙律，包括有帶子同吞拿魚，魚生好鮮味，新鮮爽口嘅沙律菜配上芝麻醬，好好食，而且都幾開胃。主角到了，六款壽司配六款刺身，睇得出餐廳花過心思係擺位上，賣相好靚。首先介紹返壽司，先食針魚，好鮮味爽口。之後食宮城蠔配日本啫喱，超級滿足，好豐富既口感。再食池魚，新鮮。跟住係松葉蟹肉加蟹膏，拆好哂蟹肉，超多。再黎燒銀鱗魚加黑松露，好香好惹味，同埋黑松露好配合。最後既三文魚子，完全唔腥，好食。至於刺身方面，象拔蚌勁爽好新鮮，赤蝦加魚子醬，又係大滿足！好大隻，好爽。伊佐目(侍應姐姐話叫雞魚) 比較煙靭，但好鮮