影片
更多
2023-01-28
298 瀏覽
沖繩飯糰見就見得多，肚餓經過銅鑼灣飯丸屋分店終於有機會試下。飯糰分別叫咗兩款期間限定嘅 花生醬卡拉雞飯糰 同 泡菜燒肉飯糰沖繩飯糰都係以紫菜同飯夾住玉子燒同午餐肉，但配料唔同味道都可以差好遠。花生醬卡拉雞飯糰花生醬味好出，食落啖啖花生醬配上香脆炸雞，外脆肉軟嘅午餐肉同玉子燒，口感份量十足(仲有條菜)。泡菜燒肉飯糰就完全另一個味道，泡菜唔會太辣，燒肉十分惹味，好味!由於真係好鐘意蜂蜜芥末，所以小食薯條同日式炸雞都係蜂蜜芥末味炸雞炸得好好，熱辣辣外皮唔油膩，咬開卻有肉汁唔會乾爭爭，加上薯條點下點下兩兜蜂蜜芥末醬就食晒。飲品有桂花烏龍茶同白桃烏龍茶。店員話茶包係來自台灣，兩杯飲落都好好飲，桂花清香齒頰生香，白桃烏龍香醇可口。見到其他人叫嘅豆漿都幾吸引，下次一定要再試。唔好睇佢好似好少野，其實份量十足食完都幾飽，加上用心制作，絕對可以再嚟!
飯糰分別叫咗兩款期間限定嘅 花生醬卡拉雞飯糰 同 泡菜燒肉飯糰
沖繩飯糰都係以紫菜同飯夾住玉子燒同午餐肉，但配料唔同味道都可以差好遠。
花生醬卡拉雞飯糰花生醬味好出，食落啖啖花生醬配上香脆炸雞，外脆肉軟嘅午餐肉同玉子燒，口感份量十足(仲有條菜)。
泡菜燒肉飯糰就完全另一個味道，泡菜唔會太辣，燒肉十分惹味，好味!
由於真係好鐘意蜂蜜芥末，所以小食薯條同日式炸雞都係蜂蜜芥末味
炸雞炸得好好，熱辣辣外皮唔油膩，咬開卻有肉汁唔會乾爭爭，加上薯條點下點下兩兜蜂蜜芥末醬就食晒。
飲品有桂花烏龍茶同白桃烏龍茶。
店員話茶包係來自台灣，兩杯飲落都好好飲，桂花清香齒頰生香，白桃烏龍香醇可口。見到其他人叫嘅豆漿都幾吸引，下次一定要再試。
唔好睇佢好似好少野，其實份量十足食完都幾飽，加上用心制作，絕對可以再嚟!
張貼
