8鍋臭臭鍋 (金巴利道) (已結業)

一向最中意打邊爐，今似黎尖沙咀 8 鍋臭臭鍋食佢既招牌臭臭鍋，午餐叫一個鍋 share 食都夠哂飽，因為入面好足料。臭臭鍋布得揀配粉絲或者飯，再包野飲（紅茶 or 綠茶）。揀左粉絲，自己放入去煮。臭臭鍋當然就係主打臭豆腐，入面配料其實仲有好多，包括娃娃菜，貢丸，豬紅，米血糕，豬肉等等，好有台式風味。雖然我平時唔會食臭豆腐，但一場黎到又想試佢既招牌鍋，估唔到臭豆腐臭得黎又幾正，一試上癮。豬肉同娃娃菜份量都好夠，吸左 d 湯汁之後好香好濃味，性價比都高。米血糕就麻麻地，質地偏硬食落去冇咩味，有 d 可惜。呢度仲有好多特別既湯底，例如芝士牛奶鍋下次有機會要試下