川燒 (已結業)

孜然，燒烤食品嘅佐料，口感風味獨特，氣味芳香濃烈，能解除肉類嘅油膩。此外，於中醫角度，孜然適用於消化不良同胃寒、腹痛等症狀。川燒，一個中國風的名字，雖然唔知同四川有冇關係，但就大量用上孜然呢種大漠風情嘅佐料。串燒小店環境比較狹窄，似帶有中國風嘅居酒屋。西班牙橡果黑毛豬，日本黑豚露筍卷，川燒薄餅同BB豬肋骨都用上孜然做調味，口味獨特芳香，好似食緊新疆羊肉咁，味道好特別。川燒薄餅雖然只有薄薄嘅餅皮，但孜然配上洋蔥芝麻口味獨特。BB豬肋骨通常用上西式煮法，但配上孜然有另一種食法。黃金燒大虎蝦用上鹹蛋黃釀入虎蝦背，肉質爽口非常冶味。燒鮮白鱔肉厚油足，配上薄薄脆口嘅鱔皮，冇得輸。黑松露燒腐皮溫泉玉子，甜甜嘅腐皮配上微鹹嘅黑松露同溫泉蛋，口味複雜以及可中和燒烤嘅熱氣。法式燒綿花糖朱古力厚多士，中間夾上香蕉，綿花糖朱古力香蕉嘅甜味配上厚多士嘅鹹脆味，口味複雜特別。