海韻素食菜館

營業中

休息中

行山食好西，零舍有動力。尤其係消耗大量卡路里後，可以開懷大嚼！今次約好山友，到大澳行冷門嘅尖峰山（鳳山）和牙鷹山，回程大澳終點，途經大澳南涌村。一早已聽聞海韻大名，牙鷹山下來即刻訂枱。事前已做好資料搜集，叫必試招牌菜式。鹽焗雞：夠滑唔肥有雞味，必點！紅燒豆腐：豆腐滑、豆味濃，有驚喜！聽聞自家製，出面食唔到。酥甫三拼：素食果然出色，荔蓉酥卷外脆內軟，芋蓉綿軟，口感豐富，讚；酥甫很脆；腐皮卷個皮都脆，我食嗰件可能喺邊位，餡略嫌唔夠。蝦醬炒飯：唔油，材料豐富，略嫌蝦醬落得少，未夠鹹香。豆豉鯪魚油麥菜：鯪魚份量少，但油麥菜夠新鮮。椒鹽鮮魷：翻炸，漿粉厚，扣分，可以唔點。總括而言，適合一班朋友坐低食小菜，水準以上。