NAK Kafe

營業中

休息中

〚 ☕️ 大澳景觀打卡都一流嘅Café 〛每次去大澳都會俾啲小食吸引咗，雖然今次都係有買啲茶粿返去，但係男朋友心血來潮話想搵Café坐低休息吓，於是就近揀咗呢一間Café，可以話地理位置同景觀都係一流。‣ Truffle Prawn Toast $100佢嘅蝦多士應該係最出名，個個都拎嚟打卡。咬落去嘅時候熱辣辣，而且個蝦肉都好厚，除咗我嫌佢感覺油膩咗少少之外，其實都算唔錯，做到外脆內軟，咬落去啖啖肉，側邊啲芝麻突顯到成份蝦多士嘅香。所謂嘅黑松露味，又唔算好突出，不過呢個價錢值唔值得食就真係見仁見智。‣ Madagascan Vanilla Ice cream $45本身諗緊究竟馬達加斯加嘅雲呢拿雪糕會唔會零舍特別，結果其實係唔會，味道同其他gelato雪糕都差唔多。但係平心而論個雪糕球係幾好食，冰感唔會話好強，我鍾意佢綿密軟滑嘅感覺。啲雲呢拿味都好濃郁，食得出有香草籽嘅味道，而唔係單純嘅雲呢拿精油。