小確幸 (已結業)

持續左一段時間既大熱散水餅 - 祝福。布丁燒，係社交平台成日都見到佢既廣告，今次終於有機會試到。🤤 店家超貼心，準備左教學，要將布丁燒倒出黎食先體驗到最好既感覺！仲有配埋小碟同小匙，超方便❤ 🍴四葉芝士蛋糕$38倒出黎既時候原本係底既焦糖漿會流落黎，令成個布丁燒都有香濃既甜味，上層既雞蛋布丁口感好滑好軟，完全唔需要咀嚼，食到有蛋香同奶香，下層既芝士蛋糕亦有淡淡既芝士香味👍由上至下一羹落去，就一次過食到唔同層次既口感喇。🍴法芙娜朱古力$38呢款相對味道比較濃郁，係朱古力味重既，布丁一樣係滑捋捋，芝士蛋糕濕潤軟綿，個人就比較鐘意上一款口味。賣相同味道成個package都好適合送俾人做禮物/散水餅，係好好既下午茶阿。