影片
更多
2025-02-25
0 瀏覽
呢間高質手工意粉店，一直bookmark左都未有機會試，原因係本身原店係大坑，唔太就腳，近排見到係牛頭角開左，實在太開心啦！呢間店無論平日定weekend都經常爆滿，建議大家提前訂位，或者選擇non peak hour 黎，就唔洗等位等咁耐Nocino既鋪位唔大，個人覺得餐枱比較細張，坐得唔係話好舒服，我地叫既野食基本上唔可以同時擺哂係枱，要食完前菜即刻拎走，拎走埋for refill既水樽先叫鬆動d可放之後既意粉同甜品。呢到中午有lunch set賣，感覺有d似另一間手工意粉集團店（P字頭），一個set有齊前菜，意粉同甜品（一定有意菜必備既Tiramisu）前菜：Arancini 這道炸Risotto波波外脆內軟，內裡充滿濃郁的芝士拉絲感。芝士的香氣和米飯的口感完美結合Wagyu Beef Tartare 話係呢到既signature,用上和牛生肉，加上特製的牛奶蒜蓉醬，口感層次豐富，表面仲有炸薯絲增添了酥脆感，不過因為我同朋友都唔太中意生牛肉既質地，所以當試過就算主菜意粉：Ox Cheek & Pickled Walnut Ragù - Pappardelle 店員強烈推薦，呢個意
Nocino既鋪位唔大，個人覺得餐枱比較細張，坐得唔係話好舒服，我地叫既野食基本上唔可以同時擺哂係枱，要食完前菜即刻拎走，拎走埋for refill既水樽先叫鬆動d可放之後既意粉同甜品。
呢到中午有lunch set賣，感覺有d似另一間手工意粉集團店（P字頭），一個set有齊前菜，意粉同甜品（一定有意菜必備既Tiramisu）
前菜：
Arancini
這道炸Risotto波波外脆內軟，內裡充滿濃郁的芝士拉絲感。芝士的香氣和米飯的口感完美結合
Wagyu Beef Tartare
話係呢到既signature,用上和牛生肉，加上特製的牛奶蒜蓉醬，口感層次豐富，表面仲有炸薯絲增添了酥脆感，不過因為我同朋友都唔太中意生牛肉既質地，所以當試過就算
主菜意粉：
Ox Cheek & Pickled Walnut Ragù - Pappardelle
店員強烈推薦，呢個意粉果然令人一試愛上，非常滿意，手工闊麵好Al dente，搭配的牛頰面肉醬汁濃郁，加埋堆Parmesan cheese好creamy好香
Signature Reginette
呢個網上好hit既波浪型意粉，配上微辣既肉碎茄醬煮，味道唔錯，但就無牛面頰既咁突出，賣點勝在意粉口感夠彈牙
甜品：
Tiramisu
呢個提拉米蘇酒味比較濃，甜度適中，唔會過膩
栗子blueberry cheesecake
呢個cheesecake有驚喜！估唔到栗子溶同cheesecake咁夾，仲有粒粒藍莓醬，芝士蛋糕唔會太硬太實的的，入口有濃濃芝士味、藍莓香同栗子味，好滿足
呢間既set lunch雖然都要接近2百，但性價比都高，食到好飽，份量足夠，最緊要意粉質素好
張貼
