香港郵意明信片航海主題咖啡廳 (已搬遷) 新店位置

約咗老死去呢間超另類的Cafe，是一間以明信片和郵品為主題的Cafe，位於銅鑼灣的唐樓，友人話呢度唔Sell服務，全部自助。入到去，野要到Counter 落Order，有個牌寫明無服務，食完要自已執好餐具，又話唔好催單咁…但咁有個性，我反而喜歡，因為之前去英國旅行都見過咁的Cafe，其實都幾好呀，反正店內不夠人，香港人真係要體驗一下呢D自助餐廳啦，唔係下下比人服侍的。其實我好鐘意入面大郵筒，是英式啊，你想起香港殖物地的自由嗎？好懷念呀！牆上貼上好了不同國家的明信片，好多不同國家的風景，好美麗迷人。那帆船不錯，令人真想快快出走，體驗一下外面的世界…啊，原來腳下有隻花貓，好可愛！至於美食，煙三文魚火箭菜沙津，好新鮮，煙三文魚上佳貨色咸香新鮮，沙律菜也好好吃；卡邦尼意粉汁醬也好忌兼芝士汁，香滑有層次，意粉不會太腍吊汁一流。白牛來也，綠茶雪糕+Soda奇妙組合，比單飲開胃Soda更滿足，多了甜品的享受。臨走自助式收野，還自助式買了一張好特別的公仔明信片，其實Cafe的美食不錯，主題特別，只要不講服務，是一間好有個性的Cafe！