有緣小敍

營業中

休息中

今日約左朋友一齊食飯，又唔想一人一碗野咁dry，所以我就周圍搵下有咩好食，又俾我發現左一間食陝西菜既餐廳😌差唔多8點去到，入去岩岩好有一張4人卡位！我地點左炸芹菜豬肉餃子、麻辣大盤雞半隻加biang biang麵同埋酸辣土豆絲，全部都order左小辣，點完菜過左5分鐘已經上菜！夠晒快！炸芹菜豬肉餃子非常好食，皮夠脆，而且餡料夠多，咬開個下已經流好多汁😋土豆絲又夠爽脆，食完勁開胃！麻辣大盤雞都好出色，佢既辣汁好濃，入面既薯仔、彩色椒、菇同雞入晒味！好食到自己一個都食左兩碗飯！佢既野飲都好特別，佢有兩款西安飲品，我點左一罐酸梅湯，第一次飲罐裝感覺同平時飲既酸梅湯差唔多，一樣酸尾尾，又解渴又開胃👍🏽不得不讚嘅係店員嘅服務態度好好，坐低唔知叫乜嘢食物佢會介紹唔同嘅嘢食俾我哋，好有禮貌！值得一讚！一定會反黎再食😍